Driving Licence Online Form: સમગ્ર ભારતમાં વાહન ચલાવવા માટે વ્યક્તિ પાસે ડ્રાઇવિંગ લાઇસન્સ હોવું જરૂરી છે. વ્યક્તિએ સૌપ્રથમ લર્નિંગ લાયસન્સ મેળવવું પડે છે ત્યારબાદ તે ડ્રાઈવિંગ લાયસન્સ મેળવી શકે છે. ગુજરાત RTO દ્વારા મોટર અધિનિયમ, 1988ની જોગવાઈઓ અનુસાર ગુજરાતમાં ડ્રાઈવિંગ લાયસન્સ જારી કરવામાં આવે છે. લર્નિંગ લાયસન્સ મેળવ્યા પછી તે 6 મહિના માટે માન્ય રહેશે. લર્નિંગ લાયસન્સ મેળવ્યા બાદ વ્યક્તિ 180 દિવસની અંદર ડ્રાઈવિંગ લાયસન્સ (DL) માટે અરજી કરી શકે છે.
Driving Licence Online Form
ડ્રાઈવિંગ લાયસન્સ (ડ્રાઈવિંગ લાઇસન્સ ઓનલાઈન ફોર્મ) સરળતાથી મળી રહે અને લોકોને આરટીઓના ધક્કા ઓછા ખાવા પડે તે માટે સરકાર દ્વારા હવે લર્નિંગ લાયસન્સ મેળવવા માટે ઓનલાઈન ફોર્મની સુવિધા શરૂ કરવામાં આવી છે. જે પણ વ્યક્તિ લર્નિંગ લાયસન્સ મેળવવા માંગે છે તે ઘરેબેઠા પોતાના મોબાઈલ કે કમ્પ્યુટરથી ઓફિશિયલ વેબસાઈટની મુલાકાત લઈને ઓનલાઈન ફોર્મ ભરવાનું રહેશે.
ડ્રાઇવિંગ લાઇસન્સ ના પ્રકાર
વાહનોની કેટેગરી પ્રમાણે લાયસન્સના નીચે મુજબના પ્રકારો પાડવામાં આવ્યા છે.
આ પણ વાંચો: PVC Aadhar Card 2023:PVC પ્લાસ્ટિક આધારકાર્ડ ઘરે બેઠા ઓર્ડર કરો
| હળવા મોટર વાહન માટે જાહેર કરાયેલ લાયસન્સ | આ પ્રકારના LL માં જીપ,ઓટો રીક્ષા અને ડિલિવરી વાન વગેરે વાહનનો સમાવેશ થાય છે. |
| મધ્યમ પેસેન્જર વાહન માટે જાહેર કરાયેલ લાયસન્સ | આ પ્રકારના લાયસન્સ માં ટેમ્પો અને મીનીવાન નો સમાવેશ થાય છે. |
| મધ્યમ માલ સામનના વાહન માટે જાહેર કરાયેલ લર્નિંગ લાયસન્સ | માલ સામાન માટે વપરાતા ડિલિવરી ટ્રક અને ટેમ્પો જેવા વાહનનો સમાવેશ આ પ્રકારના લાયસન્સ માં થાય છે. |
| ભારે પેસેન્જર વાહન માટે જાહેર કરાયેલ લાયસન્સ | આ પ્રકારના લાયસન્સ માં મોટી બસો અને વાન જેવા વાહનનો સમાવેશ થાય છે. |
| ભારે માલ સામાનના વાહન માટે જાહેર કરાયેલ લાયસન્સ | આ પ્રકારના લાયસન્સમાં ભારે ટ્રક અને બીજા હેવી વાહનનો સમાવેશ થાય છે. |
| ગિયર વગરની મોટર સાયકલ માટે જાહેર કરાયેલ લર્નિંગ લાયસન્સ | આમાં,ગિયર વગરના સ્કૂટર અને મોપેડનો સમાવેશ થાય છે. |
| લાઈટ વ્હીકલ માટે લર્નિંગ લાયસન્સ | આમાં,ગિયર વાળી કાર અને બાઇક વગેરેનો સમાવેશ થાય છે. |
ડ્રાઇવિંગ લાયસન્સ માટે ની યોગ્યતા
- ગીયર વિનાના દ્વીચક્રી વાહનનું લાઇસન્સ મેળવવા 16 વર્ષની વય પૂર્ણ કરી હોવી જોઇએ.
- ગીયર સાથેના દ્વીચક્રી વાહનો, મોટરકાર, ટ્રેક્ટર અને અન્ય બિન ટ્રાન્સપોર્ટ વાહનનું લાઇસન્સ મેળવવા માટે 18 વર્ષની વય પૂર્ણ કરેલી હોવી જોઇએ.
- ટ્રાન્સપોર્ટ વાહન માટે વ્યક્તિએ 20 વર્ષની વય પૂર્ણ કરેલી હોવી જોઇએ. વધુમાં તેણે ધો 8 પાસ કરેલું હોવું જોઇએ તેમજ તેને ઓછા વજનના વાહનો ચલાવવાનો એક વર્ષનો અનુભવ હોવો જોઇએ.
ડ્રાઇવિંગ લાઇસન્સ માટે જરૂરી ડોક્યુમેન્ટ
- ઉમરનો પુરાવો : શાળા છોડ્યાનું પ્રમાણપત્ર, જન્મનો દાખલો, પાસપોર્ટ
- સરનામાનો પુરાવો : શાળા છોડ્યાનું પ્રમાણપત્ર, પાસપોર્ટ, એલઆઈસી પોલીસી, મતદાર ઓળખપત્ર, લાઈટબિલ, ટેલિફોનબિલ, સરનામા સાથેનો મકાન વેરો, કે સ્ટેટ અથવા સ્થાનિક સરકારની પે સ્લીપ અથવા અરજીકર્તાનું સોગંધનામું સરનામાના પુરાવારૂપે રજૂ કરવાનું રહેશે.
ગુજરાત ડ્રાઇવિંગ લાઇસન્સ ઓનલાઈન ફોર્મ
- સૌ પ્રથમ ઓફિશિયલ વેબસાઈટ sarathi.parivahan.gov.in ની મુલાકાત લો.
- હોમપેજ માંથી ‘Driver/Learners License’ નો ઑપ્સન સિલેક્ટ કરો.
- ત્યારબાદ નવા પેજમાં ગુજરાત રાજ્ય સિલેક્ટ કરો.
- રાજ્ય સિલેક્ટ કર્યા બાદ નવું પેજ ઓપન થાય તેમાં પ્રથમ ઑપ્સન ‘Apply For Learner License’ નો ઑપ્સન સિલેક્ટ કરો અને બીજા પેજમાં Continue પર ક્લિક કરો.
- નવા પેજમાં તમારી કેટેગરી અને જિલ્લો સિલેક્ટ કરો અને ‘Submit’ બટન પર ક્લિક કરો.
- ત્યારબાદ તમારો મોબાઈલ નંબર એન્ટર કરો અને OTP એન્ટર કરીને ‘Authenicate With Sarathi’ પર ક્લિક કરો.
- હવે Next પેજમાં જે ફોર્મ ખુલે એમાં માંગેલી તમામ માહિતી સચોટ રીતે ભરો અને સબમિટ બટન પર ક્લિક કરો.
- ત્યારબાદ લાયસન્સ નો પ્રકાર સિલેક્ટ કરો અને ઓનલાઈન ફી ભરો.
- છેલ્લે માંગેલા તમામ ડોક્યુમેન્ટ અપલોડ કરીને ‘Submit’ બટન પર ક્લિક કરો.
ડ્રાઇવિંગ લાયસન્સ ફી
- લર્નિંગ લાઈસન્સ અને ડ્રાઈવિંગ લાયસન્સની ફી એક સાથે જ ભરવાની રહેશે. લર્નિંગ લાઈસન્સ મેળવવા રૂ. 50 ટેસ્ટ ફી + રૂ. 150 વાહનની કેટેગરી દીઠ આપવા જરૂરી છે.
- સ્માર્ટ કાર્ડ ડ્રાઈવિંગ લાઈસન્સ માટે રૂ. 200 અને વાહનોની શ્રેણી દીઠ રૂ. 300 ડ્રાઈવિંગ લાઈસન્સ માટે આપવા જરૂરી છે.
| ઓનલાઈન ફોર્મ ભરવા | અહીં ક્લિક કરો |
| અન્ય માહિતી માટે | અહીં ક્લિક કરો |
ડ્રાઇવિંગ લાયસન્સ ની ઓનલાઈન અરજી કરવા માટે ઓફિશિયલ વેબસાઈટ કઇ છે?
parivahan.gov.in એ ડ્રાઇવિંગ લાયસન્સ ના ઓનલાઈન ફોર્મ ભરવાની ઓફિશિયલ વેબસાઈટ છે.